陳俊燊師傅 2023癸卯年十二生肖流年運程

Hello大家好,歡迎又返嚟陳俊燊風水命理既時間,我係陳俊燊師傅,你哋而家睇緊嘅係「焦點視頻」。

又到一年一度為大家講解十二生肖流年運程嘅時候啦。

如果有睇過我過去一兩年講解生肖運程嘅朋友都知道,2021年嗰陣每個生肖的運程吉凶比較懸殊,好嘅好好,差嘅好差,而且情緒帶有奄奄悶悶嘅感覺。去到2022年,運程吉凶之間嘅差距收窄,覺得整體比較平穩。

但來到2023癸卯年,又發現每個生肖的吉凶差距又再次擴大,好壞之間既分別比較明顯。
究竟係咩原因呢 ? 會唔會係因為下年氣運即將由八運交轉九運有關呢 ? 氣運之間既交接就好似轉換季節一樣,時陰時晴,乍暖還寒,反覆無常。

大家回想一下,上一次七運轉入八運,即係2003到2004期間,香港發生咩事,就係沙士襲港。
再上一次氣運交接係六運轉入七運,即係1983-1984期間,就係中英傾緊香港前途問題嘅時候。

下年又會發生咩事呢 ? 呢個問題我哋hold住先。

發生咩事都好,最緊要我哋自己做好本份。

不如我地先來分析2023年你自己既生肖運程會如何呢? 事不宜遲,我哋去片。

 

 

2011年、1999年、1987年、1975年、1963年、1951年、1939年等立春後出世。

 

整體運程:中平
2023年就係兔年。所以我地講左太歲的生肖先。屬兔的朋友是『值太歲』,坊間稱之犯本命年,亦是犯太歲的一種。當係今年有重責要承擔就ok㗎喇,其實唔駛擔心。
太歲主一年吉凶,掌管成敗之神,今年吉或凶會趨於極端,需配合八字的喜忌神而定,遇吉增吉,逢凶加凶。
通常我哋點樣可以去化解呢?
俗語:「太歲當頭坐,無喜便有禍」,或「一喜破三災,無喜百事來」。
假設本身你哋已經計劃2023年會買樓、結婚、裝修、生小朋友或移民之類,當應咗呢條數。雖破費,但是開心錢。

吉星:將星、玉堂、文昌、歲駕

凶星:太歲、劍鋒、伏屍、天哭

事業:利武職發揮,如紀律部隊、銷售、工程之類,容易掌權升職。
亦利文筆發揮,利考試升學。

財運:OK,如正職穩定,可有盈餘。

感情:正常無特別。但亦要慎防有不必要嘅的霧水情緣。

健康:需防金屬所傷,平日小心開車,特別在春秋二季。

天哭影響,易多愁善感、覺得不如意、內心痛苦。心理唔算健康。

 

 

建議:

A: 大年初一至正月十五期間去拜太歲。
B: 過咗正月十五之後去捐一捐血,洗牙。

C: 今年易有意氣相爭,口舌招尤,凡事容忍,勿管他人閒事。

 

 

2012年、2000年、1988年、1976年、1964年、1952年、1940年等立春後出世。

 

整體運程:

屬龍的朋友2023年係『害太歲』,『害太歲』嚟講,指個年容易出現陰溝裏翻船嘅情況。但2023有太陽入命,太陽係大貴人星。「太陽高照,一片光明」,所以去年的不順,有好轉之機。

太陽星照遠處,做生意者可開展海外市場。太陽屬火,亦利火的行業。如廣告設計、網上推廣、化妝、廚房等等。

 

 

吉星:太陽
凶星:六害、晦氣、扳鞍、陰煞

 

事業:易得男貴人照應,可取得不錯的成績。如從事與男性相關行業(男士服飾、車、健身等)更好。

財運:順順利利。

感情:桃花人緣稍旺。單身男女皆宜到外界(旅行或走出舒適區)開闊視野,或有巧遇情緣之機。

健康:春季注意脾胃問題。

 

建議:

業務要跟緊D,不要大意失荊州。

整年盡量令家中明亮一點。或屋企小裝修。光鮮。

 

 

 

2013年、2001年、1989年、1977年、1965年、1953年、1941年等立春後出世。

 

整體運程:一般般,都真係幾一般下。

2023驛馬入局,主動象,代表奔波、忙碌、遠行、變化等。

雖有驛馬及天乙貴人守命,但始終命宮太多凶星滋擾。

立命於此,不免大故臨身,破耗交迫。(家庭不睦)

 

 

吉星:驛馬、天乙

凶星:喪門、地喪、破碎、孤辰

 

 

事業:雖有貴人,但助力不大。奔波勞碌,大多時感到浮浮沉沉。

財運:天乙貴人會令人單純,冇防範之心,所以小心受騙。不宜投機投資,要好好控制注碼及風險。

感情:提防美人計,桃花劫。伴侶需防缺乏溝通而疏離。

健康:需注意長輩健康,多陪伴長輩,恐有服喪之嫌。心理健康差過身體健康。

 

建議:

拜太歲及去相熟廟宇(車公)作福。

今年難免迷惘,正正係你學習做人要有主見時機。

屬蛇嘅朋友加油。

2014年、2002年、1990年、1978年、1966年、1954年、1942年等立春後出世。

 

整體運程:平中見順

屬馬朋友2023逢太陰星入命,太陰是女性貴人星,亦代表細水長流的財星,有利長線投資佈局。天喜亦會帶來愉悅或喜事。

 

吉星:太陰、天喜

凶星:貫索、勾絞、六厄、三刑

 

事業:有奮鬥機會,有女性貴人相助,如果對上是女上司較有利。從事與女性有關行業(女衣、化妝、美容等)業績不錯,有入財機會。

財運:易得女人(女性長輩)之財。

感情:天喜又屬次桃花星,正緣桃花。有利脫單,夫妻和合及添丁。

健康:沒特別。

 

建議:

手續必須乾淨俐落(合約、協議),否則易有糾纏不清之錢財及情感勒索。

非必要唔好欠別人人情債。

2015年、2003年、1991年、1979年、1967年、1955年、1943年等立春後出世。

 

整體運程:

屬羊的朋友,今年雖與太歲有三合的關係,事業及名氣有上升。但吉凶同宮,而且三方四正都有凶星纏繞,有是非爭執之事,亦難以避免。傾向唔算大吉之流年。

 

吉星:三台、唐符、華蓋、天解

凶星:五鬼、官府、浮沉、血刃、飛符

 

事業:可有升遷之象。利藝術創作。不要急著跳槽換工作。

財運:一般,較利正財。

感情:內心多疑,情緒波動,容易造成感情糾紛。

健康:脾胃較虛。(特別是在春冬兩季) 大部分時間心情煩惱。注意水險及避免高危動作。

 

建議:

拜太歲。

捐血,洗牙。

官符(如罰單、抗疲政策、安心執法),能避則避,否則導致更不利之事。

 

2016年、2004年、1992年、1980年、1968年、1956年、1944年等立春後出世。

 

整體運程:

屬猴的朋友2023運勢明顯上升左,事業運和財運都都比2022年好的。

今年月德貴人守命,吉星高照。月德是一顆慈悲星,有貴人扶助,逢凶化吉!
國印:代表權力綬印的吉星,地位提升,權力加大,事業運不錯。

吉星:月德、國印、地解

凶星:死符、小耗、劫煞

 

事業:事業有明顯進步,有升職的機會。特別利申請大公司或政府機構的行為。

財運:有小進。

感情:容易在變動中遇到情緣。想生小朋友的父母易有添丁之喜。

健康:小疾而矣。

建議:

今年有小耗、劫煞,代表小破財,最多買下心頭好就好了。
勿亂投資投機,以免損手爛腳。

2017年、2005年、1993年、1981年、1969年、1957年、1945年等立春後出世。

 

整體運程:

屬雞的朋友2023年沖太歲。沖代表變化,如感情、生小孩、工作、搬屋等等。本年整體運勢不穩定,反反覆覆覆,凡事三思而後行。

本年度有錢物耗損,是非臨身之憂。立冬後,即11月開始好D。

其實我哋唔好將沖太歲諗得咁差,我哋平常心當沖太歲係一個重要功課,係一個磨練機會去看待就ok㗎喇。

 

吉星:(無)

凶星:大耗、欄杆、歲破、災煞

 

事業:雖有舉步維艱之意象,當是磨練就可了。

財運:容易大破財,勿參與高風險的投資投機。

感情:桃花交戰,感情不穩,易大吵大鬧。

健康:注意筋骨手腳。注意交通車輛。秋季更需小心。
呼吸系統、大小腸、皮膚。

建議:
拜太歲

過咗正月十五之後去捐一捐血,洗牙,以降低意外血光之災。

如非必要,一動不如一靜。

 

2018年、2006年、1994年、1982年、1970年、1958年、1946年等立春後出世。

 

整體運程:

屬狗朋友2023年可以恭喜你了,今年有2粒大吉星出現,紫微及龍德星入命,主有大貴人,可逢凶化吉。六合太歲,人際關係亦不錯。

個人能力得以展現及改進,整體運勢相當不錯。

 

 

吉星:紫微、龍德、歲合

凶星:天厄、暴敗、黃旛、天煞

 

事業:得貴人扶持,受到老闆或上司的提拔,工作平順向好。

財運:平中見順。

感情:利 脫單及夫妻和合,想添丁亦可。

健康:小心突如其來的小疾,如確診。

 

 

天厄:主非人力之災,如天災地變、風雨雷電等損傷。

暴敗:暴敗乃橫災加破財。

 

 

 

 

 

2019年、2007年、1995年、1983年、1971年、1959年、1947年等立春後出世。

 

整體運程:

2023年天廚星落在亥宮

天廚:主有口福,有宴會、朋友聚餐等食祿。

女命逢天廚貴人,愛美食喜做飯,烹飪技術一流。

男命逢天廚貴人,有食國家俸祿機會,工作運順利,從事同食物相關的行業,更易博取功名。

整體運情仍算平平,但受到白虎飛廉的幹擾,容易出現口舌是非,故小心交友,謹慎言行。

 

 

吉星:天廚

凶星:白虎、飛簾、指背

 

 

事業:注意受同事排擠,特別是女性上司,故需學習加強親和力。

財運:利口才技藝搵食。

感情:男女雙方皆易受背後的女性長輩(三姑六婆)所干涉,導致感情出現罅隙。
天廚旺夫,能化解夫妻之間矛盾。

健康:注意飲食,控制體重,中年更需注意三高問題。

 

建議祭白虎。

 

 

 

 

 

 

 

 

 

2020年、2008年、1996年、1984年、1972年、1960年、1948年、1936年等立春後出世。

 

整體運程:大吉

屬鼠的朋友2023逢天德星高照,天德星即『壓煞星』,吉星入命宮,萬事吉祥。主往來之朋友大都是社會高層的上流人士,可逢凶化吉。
另外,紅鸞入命宮,是人緣桃花年。人們看你觀感好,人緣好,機會自然多。
財運及桃花都不錯,要把握運勢,所以亦可考慮轉換工作。

 

 

吉星:天德、福星、紅鸞、祿勳

凶星:咸池、桃花、捲舌、絞煞

 

 

事業:機會處處,貴人有力。特別有利靠口才、演藝(網紅,藝人)、交際搵食的工作。

財運:十分不錯 (利分佣,公關業務。)

感情:紅鸞是正緣桃花,利脫單或計劃結婚之年。添丁亦可。

健康:注意腎水、婦科之類。

 

 

建議:

咸池桃花被形容風花雪月之意,亦代表今年情慾高漲,對感情容易持開放態度,小心有桃花事件困擾。

已有穩定伴侶的人須防桃花劫,以免損財禍及名譽。到2024年會爆發。

 

 

2021年、2009年、1997年、1985年、1973年、1961年、1949年、1937年等立春後出世。

 

整體運程:

今年沒有吉星守命,但有凶星纏繞。嘗試借助三方四正的吉星拱照,亦是遠水不能救近火,且吉星乏力。

2023年提防有破財及服喪之嫌,故整體運程並不是特別好。

 

 

吉星:無

凶星:天狗、吊客、月煞、披頭、寡宿

 

 

 

事業:頗有壓力,尤其是來自女上司或女老闆的迫壓。

財運:財運尚可,唔好貪心,小心因財惹禍。

感情:受到寡宿影響,不利與伴侶溝通,感情易變淡。

健康:自己的脾胃及皮膚。宜多注意家族中較親的女性長輩之身體,多陪伴。

 

 

建議:
大年初一至正月十五期間去拜太歲。

過咗正月十五之後去捐一捐血,洗牙,以降低意外血光之災。

今年天狗入宮,不要主動去睇日蝕、月蝕等奇景。

 

 

2010年、1998年、1986年、1974年、1962年、1950年、1938年等立春後出世。

 

整體運程:

經歷2022年的辛苦後,屬虎的朋友在兔年的整體運勢將微微向上。
但命宮沒有吉星守護,始終都要靠自己事事親力親為。
幸好三方四正有龍德紫微天喜拱照,最後亦能逢凶化吉。

 

吉星:(無)

凶星:病符、亡神、陌越

 

事業:有貴人,但工作成果易被奪。如想轉工,要三思而行。

財運:沒特別。亡神為空的意思,例遺失錢包、手機、電腦之類。

感情:易有霧水桃花,但同時亦易陷入三角關係。

健康:注脾胃或消化系統不佳,肝火盛。

 

 

建議:

病符主疾病,須防身體欠安。今年需好好調整飲食及作息,以提高抵抗力。

病符凶神入宮,本年勿入病人家,「探病代人病」,探病反替人受病,身體欠安,財多身弱,宜至大廟制化,勿食喪家食物。

亡神:對周圍擁事或物不會很在意,容易掉東掉西,私人物品等,要特別留意。

 

 

 

我哋依家來總結一下。

邊3個生肖係比較好嘅?

分別係:鼠、龍、狗

以上既朋友 喺2023可以主動積極少少。

咁比較差嘅又會係邊啲生肖呢?

分別係:雞、蛇、羊

咁呢D朋友喺2023應該以保守為主,唔好貿貿然做重要決定,要三思而行。

另外,總有一啲人想問幾時有拖拍㗎嘛,特別係後生仔女。我哋睇下邊3個生肖桃花人緣較旺?

分別係:鼠、馬、狗 呢3個生肖。

呢D朋友除左容易遇到情緣,其實做銷售、公關、藝人、網紅都特別有利。

最後,我要多謝我哋嘅觀眾。上年本人講解嗰段十二生肖喺『焦點視頻』眾多師傅當中是最多人睇嘅,多謝各位嘅捧場。

如果各位有啲咩唔明嘅,歡迎來呢段片度留言,並且歡迎各位將呢段片share出去俾其他親友。

另外提一提,如果未訂閱我哋『焦點視頻』嘅觀眾,麻煩你訂閱一下,多謝各位嘅支持。

係度預祝大家2023兔年進步,事事順心,財源廣進,闔家安康。恭喜恭喜 !

影片:https://www.youtube.com/watch?v=DyOhooAe7Qw

暫時未有任何留言

發表迴響

焦點 FocusVOD.com
Logo
Enable registration in settings - general
Compare items
  • Total (0)
Compare
0
Shopping cart